జర్నలిస్టులకు కోడిమిలో ఇళ్ల పట్టాలు ఇప్పిస్తా.. ఇల్లు నిర్మిస్తాం

🏠జర్నలిస్టులకు కోడిమిలో ఇళ్ల పట్టాలు ఇప్పిస్తా.. ఇల్లు నిర్మిస్తాం

🙏అనంతపురం జిల్లాకు వరం మాంచో ఫెర్రర్ (ఆర్.డి.టి).

✍జర్నలిస్టుల అభివృద్ధికి మచ్చా రామలింగారెడ్డి సేవలు ఎప్పటికీ గుర్తుంటాయి..

✍మొదటిరోజు నగరంలోని 110 మంది జర్నలిస్టులకు
నిత్యావసర సరుకులు పంపిణీ చేసిన తోపుదుర్తి ప్రకాష్ రెడ్డి రాప్తాడు శాసనసభ్యులు.

👉జర్నలిస్టుల అభివృద్ధికి పూర్తి సహకారం
తోపుదుర్తి ప్రకాష్ రెడ్డి
రాప్తాడు ఎమ్మెల్యే హామీ.
——————————————-

✍జిల్లా జర్నలిస్ట్ డెవలప్మెంట్ సొసైటీ ఆధ్వర్యంలో ఈరోజు ఉదయం అనంతపురం ప్రెస్ క్లబ్ లో నగరంలో పని చేస్తున్నటువంటి ప్రింట్ & ఎలక్ట్రానిక్ మీడియా జర్నలిస్టులకు 110 మందికి మొదటిరోజు నిత్యావసర సరుకులు పంపిణీ కార్యక్రమం జరిగింది.

👉ఈ కార్యక్రమానికి మచ్చా రామలింగారెడ్డి అధ్యక్షత వహించారు.

✍ఈ కార్యక్రమానికి ముఖ్యఅతిథిగా తోపుదుర్తి ప్రకాష్ రెడ్డి రాప్తాడు శాసనసభ్యులు పాల్గొన్నారు, ఈ కార్యక్రమంలో ఆర్డిటి డైరెక్టర్ రాజశేఖర్ రెడ్డి, ప్రెస్ క్లబ్ అధ్యక్షులు ఆజాద్, ఏపీయూడబ్ల్యూ ఎఫ్ జిల్లా ప్రధాన కార్యదర్శి రేపటి రామాంజనేయులు, ఆర్డీటీ డైరెక్టర్లు కృష్ణవేణి,నిరంజన్, రఫిక్ వేదిక మీద ఆసీనులయ్యారు.

✍తోపుదుర్తి ప్రకాష్ రెడ్డి శాసనసభ్యులు రాప్తాడు మాట్లాడుతూ జర్నలిస్టులకు నిత్యావసర సరుకుల పంపిణీ చేయడానికి ముందుకొచ్చిన ఆర్డిటి మాంచో ఫెర్రర్ కు అభినందనలు అన్నారు, ఫెర్రర్ సేవలు వెలకట్టలేనివాని ఎవరికి ఏ కష్టం వచ్చినా ఆర్డిటి ఉంటుందని భరోసా జిల్లా వాసులకు ఉందని ప్రకాష్ రెడ్డి అన్నారు.

✍జిల్లాలో జర్నలిస్టుల సంక్షేమం కోసం మచ్చా రామలింగారెడ్డి చేస్తున్న కృషి అభినందనీయమన్నారు.

✍ఆర్డిటి డైరెక్టర్ రాజశేఖర్ రెడ్డి మాట్లాడుతూ మచ్చా రామలింగారెడ్డి, కరోనా వైరస్ వల్ల జర్నలిస్టులు ఇబ్బంది పడుతున్నారని నిత్యావసర సరుకులు ఇవ్వాలని మాంచో ఫెర్రర్ ఆర్డీటీ ని అడగడం జరిగింది అని అన్నారు, నిత్యావసర సరుకులు ఇవ్వడానికి ఆర్డీటీ సంస్థ ముందుకు రావడం జరిగిందన్నారు జర్నలిస్టులు అందరూ ఐకమత్యంతో ఈ అవకాశాన్ని ఉపయోగించుకోవాలని సూచించారు. ✍మచ్చా రామలింగారెడ్డి మాట్లాడుతూ అనంతపురం, రాప్తాడు, సింగనమల, నియోజకవర్గల మొత్తం 500 నుంచి 600 మంది జర్నలిస్టులకు నిత్యావసర సరుకులు ఇవ్వాలని కోరిన వెంటనే నా మీద ప్రేమతో ఇచ్చినందుకు మాంచో ఫెర్రర్ కి ధన్యవాదాలు తెలుపుతున్నానని యూనియన్లకు అతీతంగా అందరి జర్నలిస్టులకు నిత్యావసర సరుకులు ఇవ్వడం జరుగుతుందన్నారు.

✍రామాంజనేయులు మాట్లాడుతూ జర్నలిస్టులకు సరుకులు పంపిణీ చేయడానికి ముందుకు వచ్చిన ఆర్డీటీ, ఇందుకు కృషిచేసిన మచ్చా రామలింగారెడ్డి ని అభినందిస్తూ, మా యూనియన్ తరపు నుంచి మంచి కార్యక్రమాలకు ఎల్లప్పుడూ సహకారం ఉంటుందని అన్నారు.

✍ప్రెస్ క్లబ్ అధ్యక్షులు ఆజాద్ మాట్లాడుతూ జర్నలిస్టులు అందరూ ఐక్యంగా ఉంటూ ముందుకు పోవాలని సూచించారు.

✍ఈ కార్యక్రమంలో ఫోటో జర్నలిస్ట్ యూనియన్ రాష్ట్ర నాయకులు మారుతి, ఇతర జర్నలిస్టులు మాట్లాడారు.

✍కార్యక్రమంలో జర్నలిస్టు డెవలప్మెంట్ సొసైటీ కార్యదర్శి కె.విజయరాజు , ఆర్గనైజింగ్ సెక్రటరీ శివ ప్రసాద్, జాయింట్ సెక్రటరీ కుల్లాయి స్వామి, ఫోటో జర్నలిస్ట్ యూనియన్ అధ్యక్షులు డ్యానీయల్, ఎలక్ట్రానిక్ మీడియా అసోసియేషన్ జిల్లా ప్రధాన కార్యదర్శి ప్రసాద్, కెమెరామెన్ అసోసియేషన్ నాయకులు సుధాకర్, హనుమంత్ రెడ్డి, నాగేంద్ర, సురేందర్ రెడ్డి, చిన్న పత్రికల సంఘం నాయకులు సాయినాథ్ రెడ్డి, మల్లికార్జున మీడియా ఎంప్లాయిస్ అసోసియేషన్ నాయకులు ఆదినారాయణ, జర్నలిస్ట్ డెవలప్మెంట్ సొసైటీ సభ్యులు దిలీప్, ప్రకాష్, సతీష్, తదితర జర్నలిస్ట్ యూనియన్ నాయకులు పాల్గొన్నారు.

💎DIST.. JOURNALIST DEVELOPMENT SOCIETY ANANTAPURAMU💎

machha

మన నాయకుడు మచ్చా రామలింగారెడ్డి వినతిని మన్నించి జర్నలిస్టులకు నిత్యావసర సరుకులు ఇచ్చేందుకు ముందుకు వచ్చినందుకు మాంచో ఫెర్రర్

👉రేపు అనంతపురం నగర జర్నలిస్టులకు నిత్యావసర సరుకుల కోసం టోకెన్లు పంపిణీ

🙏మన నాయకుడు మచ్చా రామలింగారెడ్డి వినతిని మన్నించి జర్నలిస్టులకు నిత్యావసర సరుకులు ఇచ్చేందుకు ముందుకు వచ్చినందుకు మాంచో ఫెర్రర్ గారికి ధన్యవాదాలు, RDT ప్రోగ్రామ్ డైరెక్టర్ మాంచో ఫెర్రర్ చేతుల మీదుగా నిత్యావసర సరుకులు పంపిణీ చేయడం జరుగుతుంది.

✍అనంతపురం నగరంలోని ప్రెస్ క్లబ్ లో రేపు ఉదయం 9 గంటల నుంచి పేర్లు ఇచ్చిన జర్నలిస్టులందరికీ టోకెన్లు ఇవ్వడం జరుగుతుంది అందరూ వచ్చి తీసుకోగలరు.

✍కరోనా ప్రభావం వున్నందున జర్నలిస్టులు ఎవరూ గుంపులు గుంపులుగా రావద్దండి.

✍జిల్లా జర్నలిస్ట్ డెవలప్మెంట్ సొసైటీకి పేర్లు నమోదు చేసుకున్న జర్నలిస్టులు అందరికీ నిత్యావసర సరుకులు పంపిణీ చేయడం జరుగుతుంది.

✍పేర్లు నమోదు చేసుకున్న వారందరికీ రేపు టోకెన్లు ఇవ్వడం జరుగుతుంది, వచ్చి అందరూ టోకెన్లు తీసుకోవాల్సిందిగా కోరుతున్నాము.

✍సొసైటీకి పేర్లు నమోదు చేసుకున్న ప్రతి జర్నలిస్టులకు నిత్యావసర సరుకులు పంపిణీ చేయడం జరుగుతుంది

✍నాలుగు రోజులపాటు నిత్యావసర సరుకులు పంపిణ చేయడం జరుగుతుంది

✍మొదటిరోజు
——————————————-
నగరంలోని స్టాఫ్ రిపోర్టర్లు, ప్రింట్ అండ్ ఎలక్ట్రానిక్ మీడియా, ఫోటోగ్రాఫర్లు, కెమెరామెన్లకు నిత్యావసర సరుకులు పంపిణీ చేయడం జరుగుతుంది.

✍రెండవ రోజు
—————————————–
సబ్ఎడిటర్లకి పంపిణీ చేయడం జరుగుతుంది.

✍మూడోవ రోజు
——————————————
చిన్న పత్రికలకు, లోకల్ చానల్స్ కు పంపిణీ చేయడం జరుగుతుంది.

✍నాల్గోవ రోజు
——————————————-
రాప్తాడు, శింగణమల నియోజకవర్గ మండల రిపోర్టర్లు, లోకల్ ఛానెల్స్ కు పంపిణీ చేయడం జరుగుతుంది.

🙏జర్నలిస్టులు అందరూ టోకెన్లు తీసుకొని సహకరించవలసిందిగా కోరుతున్నాము.

✍ప్రభుత్వ నిబంధనల ప్రకారం ప్రతిరోజు ఉదయం నుంచి 11 గంటల వరకు పంపిణీ చేయడం జరుగుతుంది.

👉యూనియన్లతో సంబంధం లేకుండా అన్ని యూనియన్ జర్నలిస్టులకు, సభ్యులకు నిత్యావసర సరుకులు పంపిణీ చేయడం జరుగుతుంది.

🙏ప్రింట్ అండ్ ఎలక్ట్రానిక్ మీడియా, సబ్ ఎడిటర్లు, కెమెరామెన్లు, ఫోటోగ్రాఫర్లు, చిన్న పత్రికల ఎడిటర్లు అందరూ సహకరించవలసిందిగా కోరుతున్నాము…

👉గమనిక:- జిల్లా కలెక్టర్ జారీచేసిన అక్రిడేషన్ కార్డు జిరాక్స్ తీసుకొచ్చి టోకెన్ తీసుకొనగలరు

💎DIST.. JOURNALIST DEVELOPMENT SOCIETY, ANANTAPURAMU💎

చంద్రబాబు అండతోనే చింతమనేని ఇలా వ్యవహరిస్తున్నారు: వైసీపీ ఎమ్మెల్యే రోజా ఫైర్

చంద్రబాబు అండతోనే చింతమనేని ఇలా వ్యవహరిస్తున్నారు: వైసీపీ ఎమ్మెల్యే రోజా ఫైర్

దళితులపై దెందులూరు టీడీపీ ఎమ్మెల్యే చింతమనేని ప్రభాకర్ చేసిన వ్యాఖ్యలను వైసీపీ ఎమ్మెల్యే రోజా ఖండించారు. ఈ సందర్భంగా మీడియాతో ఆమె మాట్లాడుతూ, ఇలాంటి అనుచిత వ్యాఖ్యలు చేయడం చింతమనేనికి అలవాటుగా మారిందని విమర్శించారు. చంద్రబాబు అండతోనే ఆయన ఇలా వ్యవహరిస్తున్నారని ఆరోపించారు. ఇటువంటి వ్యాఖ్యలు చేసిన చింతమనేనిని వెంటనే పార్టీ నుంచి సస్పెండ్ చేయాలని, దళితులకు చంద్రబాబు క్షమాపణలు చెప్పాలని డిమాండ్ చేశారు. ఇలా చేయని పక్షంలో దళితులతో కలిసి ఉద్యమిస్తామని రోజా హెచ్చరించారు.

అందరికీ ఇళ్లు నిర్మించి ఇవ్వడమే మా లక్ష్యం: కేటీఆర్

అందరికీ ఇళ్లు నిర్మించి ఇవ్వడమే మా లక్ష్యం: కేటీఆర్

తెలంగాణలో అందరికీ ఇళ్లు నిర్మించి ఇవ్వాలనేదే తమ లక్ష్యమని టీఆర్ఎస్ వర్కింగ్ ప్రెసిడెంట్ కేటీఆర్ అన్నారు. అర్హులైన ప్రతి ఒక్కరికీ త్వరలోనే గృహాలను మంజూరు చేస్తామని చెప్పారు. సిరిసిల్లలో ఈరోజు ఇళ్ల పట్టాల పంపిణీ కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడుతూ, ఇళ్ల మంజూరు కోసం ఎవరికీ డబ్బు ఇవ్వొద్దని సూచించారు. ఒక్క పైసా కూడా లంచం ఇవ్వాల్సిన అవసరం లేదని చెప్పారు. అర్హులైన అందరి జాబితా ప్రభుత్వం వద్ద ఉందని… అందరికీ ఇళ్లను అందిస్తామని తెలిపారు. సిరిసిల్ల చేనేత కార్మికులు తయారు చేస్తున్న చీరల్లో సరికొత్త డిజైన్లు తీసుకొస్తామని చెప్పారు. నియోజకవర్గాన్ని ఆదర్శవంతంగా తీర్చిదిద్దుతానని హామీ ఇచ్చారు.

సినీ నటి విజయనిర్మల బర్త్ డే వేడుక.. కేక్ తినిపించిన సూపర్ స్టార్ కృష్ణ

సినీ నటి విజయనిర్మల బర్త్ డే వేడుక.. కేక్ తినిపించిన సూపర్ స్టార్ కృష్ణ

ప్రముఖ నటి, దర్శక- నిర్మాత విజయనిర్మల తన 74వ పుట్టినరోజు వేడుకలను నేడు జరుపుకున్నారు. హైదరాబాద్ లోని నానక్ రామ్ గూడలోని ఆమె నివాసంలో అభిమానుల సమక్షంలో ఈ వేడుకలు జరిగాయి. ఈ వేడుకల్లో విజయనిర్మల భర్త, ప్రముఖ నటుడు కృష్ణ, సీనియర్ నటి జయసుధ, సీనియర్ నటుడు నరేశ్, నిర్మాత శాఖమూరి మల్లికార్జునరావు, నిర్మాత బి.ఎ.రాజు, మా’ అధ్యక్షుడు శివాజీ రాజా తదితరులు పాల్గొన్నారు. ఈ సందర్భంగా విజయనిర్మలకు పలువురు జన్మదిన శుభాకాంక్షలు తెలిపారు.
అనంతరం, విజయనిర్మల మాట్లాడుతూ, దేశం నలుమూలల నుంచి శుభాకాంక్షలు తెలిపిన అభిమానులకు ఆమె కృతఙ్ఞతలు తెలిపారు. అభిమానుల అభిమానమే తన ఆయుష్షు అని, వారి మధ్య ఈ వేడుకలు జరుపుకోవడం తన కెంతో సంతోషంగా ఉందని అన్నారు.

అంతకుముందు, కృష్ణ మాట్లాడుతూ, అభిమానుల వల్లే తాము ఇంత సంతోషంగా ఉండగలుగుతున్నామని అన్నారు. విజయనిర్మల మరిన్ని పుట్టినరోజులు ఇలాగే జరుపుకోవాలని కోరుతున్నానని ఆకాంక్షించారు.
కాగా, తన తల్లి విజయనిర్మల ప్రతి ఏటా ‘మా’ అసోసియేషన్ కు విరాళం ఇస్తారని, అదే విధంగా ఈ ఏడాది కూడా రూ.74,000 అందజేశారని సీనియర్ నటుడు నరేశ్ అన్నారు. పుల్వామా వీర జవాన్ల కుటుంబానికి తమ కుటుంబం తరపున లక్ష రూపాయల చెక్కును అందజేసినట్టు చెప్పారు. ప్రతి ఏటా ఎన్నో సంక్షేమ కార్యక్రమాల్లో పాల్గొంటూ తన వంతు సహాయసహకారాలు అందజేస్తున్న తన తల్లి మరెన్నో పుట్టినరోజులు జరుపుకోవాలని నరేశ్ అన్నారు.

గతంలో నేను చేసిన వ్యాఖ్యలను ప్రతిపక్షం వక్రీకరించింది: చింతమనేని

గతంలో నేను చేసిన వ్యాఖ్యలను ప్రతిపక్షం వక్రీకరించింది: చింతమనేని

టీడీపీ ఎమ్మెల్యే చింతమనేని ప్రభాకర్ గతంలో చేసిన వ్యాఖ్యలపై ప్రతిపక్షాలు మండిపడుతున్నాయి. గత నెల మొదటి వారంలో పశ్చిమగోదావరి జిల్లా దెందులూరు మండలం శ్రీరామవరంలో నిర్వహించిన ‘జన్మభూమి’ కార్యక్రమంలో పాల్గొన్న చింతమనేని, దళితుల మనోభావాలు దెబ్బతినేలా వ్యాఖ్యలు చేశారని ఆరోపిస్తున్నారు. ‘మీరు దళితలు, మీకెందుకురా రాజకీయాలు..’ అంటూ దళితులపై చింతమేనేని ఇబ్బందికర వ్యాఖ్యలు చేశారని వైసీపీ ఆరోపిస్తోంది. ఇందుకు సంబంధించిన ఓ వీడియో సామాజిక మాధ్యమాల్లో చేరడంతో వైరల్ గా మారింది. ఈ వ్యవహారంపై చింతమనేని తన నిరసన వ్యక్తం చేశారు. ప్రతిపక్ష నేతల తీరును నిరసిస్తూ ధర్నా నిర్వహించారు.

అనంతరం, ఏలూరులో జిల్లా ఎస్పీకి ఓ వినతిపత్రం సమర్పించారు. ఆ తర్వాత మీడియాతో ఆయన మాట్లాడుతూ, దెందులూరులో తనను రాజకీయంగా ఎదుర్కోలేకనే ప్రతిపక్షం తనపై దుష్ప్రచారం చేస్తోందని మండిపడ్డారు. గతంలో తాను చేసిన వ్యాఖ్యలను వక్రీకరిస్తున్నారని అన్నారు. దళితులు బాధపడేలా తాను మాట్లాడలేదని స్పష్టం చేశారు. తనపై తప్పుడు ప్రచారం చేస్తున్న వారిపై చర్యలు తీసుకోవాలని ఎస్పీని కోరినట్టు చెప్పారు.

సీఎం చంద్రబాబును సన్మానించిన ప్రభుత్వ ఉద్యోగులు

సీఎం చంద్రబాబును సన్మానించిన ప్రభుత్వ ఉద్యోగులు

ఏపీ ఉద్యోగుల సంక్షేమానికి గాను ప్రభుత్వం చేసిన కృషిపై సెక్రటేరియట్ ఉద్యోగులు హర్షం వ్యక్తం చేస్తూ సీఎం చంద్రబాబును సన్మానించారు. ఈ సందర్భంగా అమరావతిలో నిర్వహించిన కార్యక్రమంలో చంద్రబాబును సన్మానించి, గజమాల వేసి అభినందించారు. ఈ సందర్భంగా చంద్రబాబు మాట్లాడుతూ, ప్రజలతో పాటు ఉద్యోగులకు న్యాయం చేస్తున్నానని అన్నారు. ప్రభుత్వ ఉద్యోగులు అడిగిన దాని కంటే ఎక్కువే ఇచ్చానని, వారు అడిగిన వెంటనే ఇళ్ల స్థలాలు ఇచ్చానని, ప్రతి ఉద్యోగికి సొంతింటి కల నెరవేరేలా చేశామని అన్నారు. అమరావతిలో ఉన్నటువంటి సెక్రటేరియట్ మరెక్కడా లేదని అన్నారు.అరవై ఏళ్ల శ్రమను హైదరాబాద్ లోనే వదిలేసి వచ్చామని, రాష్ట్ర విభజన తర్వాత అండగా ఉంటామన్న కేంద్ర ప్రభుత్వం మాట తప్పిందని విమర్శించారు.

ఉద్యోగుల ప్రతి సమస్యను సానుకూలంగా పరిష్కరించానని అన్నారు. మళ్లీ తిరుగులేని శక్తిగా ఏపీ ఎదగాలని ఆకాంక్షించారు. 10.5 శాతం అభివృద్ధి సాధించిన ఏకైక రాష్ట్రం ఆంధ్రప్రదేశ్ అని, ఈ నాలుగేళ్లలో ఏపీకి 670 అవార్డులు వచ్చిన విషయాన్ని గుర్తుచేశారు. ఏపీలో తక్కువ పట్టణీకరణ వల్ల ఆదాయం తక్కువగా వస్తోందని, ఈ నాలుగేళ్లలో లోటు వర్ష పాతం, తుపానులు కొంత అవరోధంగా మారాయని అన్నారు. మహిళలకు పసుపు-కుంకుమ నిధులు రెండు విడతల్లో ఇచ్చానని,

తెలంగాణలో కొత్త మంత్రులకు శాఖల కేటాయింపు

తెలంగాణలో కొత్త మంత్రులకు శాఖల కేటాయింపు

తెలంగాణ రాష్ట్ర మంత్రి వర్గ విస్తరణ ఈరోజు ఉదయం జరిగిన విషయం తెలిసిందే. రాజ్ భవన్ లో గవర్నర్ నరసింహన్ పది మంది ఎమ్మెల్యేలతో మంత్రులుగా ప్రమాణ స్వీకారం చేయించారు. సీఎం కేసీఆర్ ఆ పది మంత్రులకు ఈ సాయంకాలం శాఖలు కేటాయించారు.

వైద్య, ఆరోగ్య శాఖ- ఈటల రాజేందర్
పశు సంవర్థక శాఖ- తలసాని శ్రీనివాస్ యాదవ్
విద్యాశాఖ- జగదీశ్ రెడ్డి
పంచాయతీ రాజ్, గ్రామీణాభివృద్ధి, ఆర్ డబ్ల్యూఎస్- ఎర్రబెల్లి దయాకర్ రావు
న్యాయశాఖ, దేవాదాయ, అడవులు, పర్యావరణ శాఖ- అల్లోల ఇంద్రకరణ్ రెడ్డి
సంక్షేమ శాఖ- కొప్పుల ఈశ్వర్
రవాణా, రోడ్లు, భవనాల శాఖ- వేముల ప్రశాంత్ రెడ్డి
వ్యవసాయ శాఖ- సింగిరెడ్డి నిరంజన్ రెడ్డి
ఎక్సైజ్, పర్యాటకం, క్రీడలు- వి.శ్రీనివాస్ గౌడ్
కార్మిక, ఉపాధి, మానవ వనరుల అభివృద్ధి- చామకూర మల్లారెడ్డి

హామీ ఇవ్వకుంటే వైసీపీలోకి... తేల్చి చెప్పిన టీడీపీ ఎంపీ?

హామీ ఇవ్వకుంటే వైసీపీలోకి… తేల్చి చెప్పిన టీడీపీ ఎంపీ?

తన భార్య వాణికి జగ్గంపేట టికెట్ కోరుతున్న తోట నర్సిహం
ఇప్పటికే జ్యోతుల నెహ్రూకు టికెట్ ఇస్తానని చంద్రబాబు హామీ
వైకాపాలో చేరే ఆలోచనతోనే ఈ డిమాండ్ చేస్తున్నారని టీడీపీ విమర్శలు

రానున్న ఎన్నికల్లో అనారోగ్యం కారణంగా ఎన్నికల బరిలోకి దిగడం లేదని ఇప్పటికే వెల్లడించిన కాకినాడ ఎంపీ తోట నర్సిహం, ఎన్నికల్లో తన భార్య వాణికి మాత్రం టికెట్ ఇవ్వాల్సిందేనని పట్టుబడుతున్నారు. ఈ మేరకు ఇప్పటికే సీఎం చంద్రబాబును కలిసి విజ్ఞప్తి చేసిన ఆయన, కీలకమైన జగ్గంపేట నియోజకవర్గాన్ని అడుగుతున్నారని సమాచారం. జగ్గంపేట టికెట్ ను వైసీపీ నుంచి పోటీ చేసి గెలిచి, ఆపై టీడీపీలోకి ఫిరాయించిన జ్యోతుల నెహ్రూకే టీడీపీ ఖరారు చేసినట్టు తెలుస్తుండగా, ఈ విషయం తెలిసి కూడా నర్సింహం ఇదే స్థానాన్ని ఆశించడం వెనుక ఆయన రాజకీయ వ్యూహం ఉందని విశ్లేషకులు అంచనా వేస్తున్నారు. ఇప్పటికే టీడీపీకి రాజీనామా చేసి, వైసీపీలోకి వెళ్లాలని నిర్ణయించుకున్న ఆయన, కారణం చెప్పుకోవడానికే జగ్గంపేట టికెట్ ఇవ్వాలని డిమాండ్ చేస్తున్నారని టీడీపీ వర్గాలు విమర్శిస్తున్నాయి.

2014 ఎన్నికలకు ముందు వరకూ కాంగ్రెస్ పార్టీలో ఉంటూ మంత్రిగానూ పనిచేసిన ఆయన, ఎన్నికలకు ముందు టీడీపీలో చేరి కాకినాడ నుంచి ఎంపీగా బరిలోకి దిగి గెలిచారన్న సంగతి తెలిసిందే. తాజాగా, చలమలశెట్టి సునీల్ తెలుగుదేశంలో చేరనుండటంతో తోట నర్సింహానికి సీటు లభించే పరిస్థితి లేదు. టీడీపీలో తన భార్యకైనా టికెట్ లభిస్తే, పార్టీలో ఉండాలని, లేకుంటే మరో పార్టీలోకి మారాలని ఆయన భావిస్తున్నట్టు తెలుస్తోంది.

ఇక తోట నర్సింహం ఫ్యాన్ కిందకు చేరినా, జగ్గంపేట టికెట్ హామీ లభించడం కష్టమేనని తెలుస్తోంది. ఎందుకంటే, ఇప్పటికే జ్యోతుల చంటిబాబు ఇప్పటికే ఆ నియోజకవర్గంలో వైసీపీ సమన్వయకర్తగా చురుకుగా ఉన్నారు. టికెట్ కూడా ఆయనకేనని జగన్ ఖరారు చేసినట్టు వైకాపా వర్గాలు అంటున్నాయి. ఇక తోట నర్సింహం ఎటువంటి నిర్ణయం తీసుకుంటారో మరికొన్ని రోజుల్లో తేలనుంది.

గెలవలేని వారు పార్టీలు మారడం సహజమే: గల్లా జయదేవ్

గెలవలేని వారు పార్టీలు మారడం సహజమే: గల్లా జయదేవ్

ఎంపీ రవీందర్ తనతో మంచి స్నేహితుడిలా ఉండేవారని, గంటల వ్యవధిలోనే పార్టీ మారిపోయి తనపై విమర్శలు చేస్తున్నారని టీడీపీ ఎంపీ గల్లా జయదేవ్ అన్నారు. మంగళవారం సాయంత్రం తల్లి అరుణకుమారితో కలిసి ఉండవల్లిలో చంద్రబాబును కలిసి జయదేవ్.. ఈ సందర్భంగా కొన్ని ఆలోచనలను ఆయనతో పంచుకున్నారు. అవి విన్న సీఎం భేష్ అంటూ ప్రశంసించారు. అలాగే, ఎన్నికల షెడ్యూలు వచ్చే వరకు రోజుకు రెండు గంటల సమయాన్ని పార్టీ ప్రణాళికల రూప కల్పనకు కేటాయించాలని గల్లాను కోరారు.

అనంతరం విలేకరులతో మాట్లాడిన గల్లా.. గెలవలేని వారు పార్టీలు మారడం చాలా సహజమన్నారు. ఎంపీ రవీందర్ తనపై ఎందుకు విమర్శలు చేస్తున్నారో అర్థం కాలేదన్నారు. పార్లమెంటు అనేది ఓ కాలేజీ లాంటిదని, ఏదైనా విషయాన్ని పూర్తిగా అధ్యయనం చేశాకే మాట్లాడతానని చెప్పారు. తాను నిత్యం నేర్చుకుంటూనే ఉంటానని, అందులో తప్పేంటని గల్లా జయదేవ్ ప్రశ్నించారు.